काठमाडौँ । नेपाल सरकारको शिक्षा तथा खेलकुद मन्त्रालयले विभिन्न विश्वविद्यालयहरूमा रिक्त रहेका उपकुलपति पदका लागि दुई सय अठार वटा आवेदन प्राप्त भएको विवरण सार्वजनिक गरेको छ।
मन्त्रालयले एक सूचना जारी गर्दै विभिन्न आठवटा विश्वविद्यालयका उपकुलपति छनोट तथा सिफारिसका लागि अनलाइन माध्यमबाट कुल दुई सय अठार वटा आवेदन प्राप्त भएको विवरण सार्वजनिक गरेको हो।
मन्त्रालयका अनुसार ‘विभिन्न विश्वविद्यालयको उपकुलपति छनोट तथा सिफारिससम्बन्धी एकीकृत कार्यविधि, २०८३’ अनुसार गत वैशाख २५ गते प्रकाशित सूचनाका आधारमा ती आवेदनहरू सङ्कलन गरिएका हुन्।
