काठमाडौँ। नेकपा (एमाले) ले आज संसदीय दल र सचिवालय दुवै तहका महत्वपूर्ण बैठक बोलाएको छ। पार्टीको केन्द्रीय कार्यालय च्यासलमा हुने यी बैठकमा समसामयिक राजनीतिक परिस्थिति र संसद्को पछिल्लो गतिविधिबारे छलफल हुने बताइएको छ।
पार्टी स्रोतका अनुसार संसदीय दलको बैठक दिउँसो १ बजे सुरु हुनेछ भने त्यसपछि सचिवालय बैठक साँझ ६ बजेका लागि तय गरिएको छ।
दुवै बैठकमा पार्टीभित्रका आन्तरिक विषयहरूका साथै राष्ट्रिय राजनीतिक अवस्था र संसदीय रणनीतिबारे समेत गहन छलफल हुने अपेक्षा गरिएको छ। पछिल्लो राजनीतिक घटनाक्रमलाई लिएर एमालेले आफ्नो धारणा र आगामी कदम तय गर्ने तयारी गरेको बुझिएको छ।
