काठमाडौँ । राष्ट्रिय स्वतन्त्र पार्टी (रास्वपा) को प्रथम महाधिवेशनबाट पार्टीका संस्थापक नेता पुनः सभापति चयन भएका छन्।
महाधिवेशनअन्तर्गत सभापति पदका लागि लामिछानेको मात्रै उम्मेदवारी दर्ता भएपछि उनी निर्विरोध निर्वाचित भएका हुन्। रास्वपा केन्द्रीय निर्वाचन आयोगका प्रमुख भुवन केसीले सभापति पदमा एकल उम्मेदवारी परेकाले निर्वाचन प्रक्रियाअनुसार लामिछानेलाई निर्विरोध निर्वाचित घोषणा गरिएको जानकारी दिए।
पार्टी स्थापना भएयता रास्वपाको नेतृत्व गर्दै आएका लामिछानेले पहिलो महाधिवेशनमार्फत पनि नेतृत्वमा निरन्तरता पाएका छन्। महाधिवेशनमा सहभागी प्रतिनिधिहरूले आगामी राजनीतिक यात्राका लागि पार्टीलाई थप सुदृढ र संगठित बनाउने अपेक्षा व्यक्त गरेका छन्।
रास्वपाले महाधिवेशनमार्फत नयाँ नेतृत्व चयनसँगै आगामी कार्यदिशा, संगठन विस्तार र राजनीतिक रणनीतिबारे समेत छलफल गरिरहेको छ।
