काठमाडौं । १७५ किलो ५७० ग्राम गाँजासहित एक किशोरलाई प्रहरीले पक्राउ गरेको छ ।
धनकुटाको महालक्ष्मी नगरपालिका–६ माङमायाबाट शनिबार राति १७५ किलो ५७० ग्राम लागूऔषध गाँजासहित सोही नगरपालिका–४ बस्ने १७ वर्षीय किशोरलाई प्रहरीले पक्राउ गरेको हो ।
प्रहरी चौकी लेगुवाबाट खटिएको प्रहरीले चानुवाबाट लेगुवातर्फ आउँदै गरेको को २ त ४८९८ नम्बरको ट्याक्टरलाई चेक जाँच गर्दा २२ वटा बोरामा लुकाई छिपाई राखेको उक्त परिमाणको लागूऔषध गाँजा फेला पारी ट्याक्टरमा सवार किशोरलाई पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।
