आत्मदाहपछि मृत्यु भएका गणेश नेपालीको परिवार र सरकारबीच ९ बुँदे सहमति भएको छ ।
जिल्ला प्रशासन कार्यालय काठमाडौंमा आइतबार भएको वार्तामा उनीहरूबीच ९ वटा बुँदामा सहमति जुटेको हो ।
सहमतिअनुसार घटनाको छानबिन गर्न पूर्वन्यायाधीशको संयोजकत्वमा स्वतन्त्र छानबिन समिति गठन हुने भएको छ ।
सहमतिपत्रमा काठमाडौंका प्रमुख जिल्ला अधिकारी ईश्वरराज पौडेल, काठमाडौं महानगरपालिकाका प्रमुख प्रशासकीय अधिकृत सरोज गुरागाईं, गणेशकी श्रीमती एकमाया नेपाली, गणेशका बुवा चिने नेपाली, आमा सौरी नेपाली, दाजु मदन नेपालीलगायतले हस्ताक्षर गरेका छन् ।
नेपाल सरकार तथा काठमाडौं महानगरपालिका र पीडित परिवारबीच उचित राहत प्रदान गर्ने, गणेशकी छोरीको उच्च शिक्षासम्मको व्यवस्था गर्ने, श्रीमतीलाई रोजगारी उपलब्ध गराउने तथा घटनाको निष्पक्ष अनुसन्धान गर्नेलगायतका विषयमा सहमति जुटेको हो ।
यस्तो छ सहमति पत्र :
