काठमाडौं । नेपाली बजारमा आइतबार सुनको भाउ उल्लेख्य रूपमा बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ हजार ८ सय रुपैयाँले वृद्धि भएको हो ।
महासंघका अनुसार आज छापावाल सुन प्रतितोला ३ लाख १९ हजार ५ सय रुपैयाँमा कारोबार भइरहेको छ । अघिल्लो कारोबार दिन शुक्रबार यसको मूल्य प्रतितोला ३ लाख १६ हजार ७ सय रुपैयाँ थियो ।
यता, चाँदीको मूल्य भने ओरालो लागेको छ । आज चाँदी प्रतितोला १० रुपैयाँले घटेर ४ हजार ९ सय ७५ रुपैयाँ कायम भएको महासंघले जनाएको छ । शुक्रबार चाँदी प्रतितोला ४ हजार ९ सय ८५ रुपैयाँमा कारोबार भएको थियो ।
