काठमाडौं । कारोबार हुने साताको पहिलो दिन नेपाली बजारमा सुन र चाँदी दुवैको मूल्य घटेको छ ।
नेपाल सुनचाँदी व्यवसायी महासंघका अनुसार आज सुनको मूल्य प्रतितोला ३ हजार १ सय रुपैयाँले घटेको हो । मूल्य घटेसँगै आज सुन प्रतितोला ३ लाख ४ हजार ३ सय रुपैयाँमा कारोबार भइरहेको छ ।
यसअघि शुक्रबार सुनको मूल्य प्रतितोला ३ लाख ७ हजार ४ सय रुपैयाँ कायम भएको थियो । त्यसको तुलनामा आज सुनको मूल्यमा उल्लेख्य गिरावट आएको हो ।
यस्तै, चाँदीको मूल्य पनि आज प्रतितोला ४० रुपैयाँ घटेको छ । महासंघका अनुसार आज चाँदी प्रतितोला ४ हजार ७ सय २५ रुपैयाँमा कारोबार भइरहेको छ ।
शुक्रबार चाँदीको मूल्य प्रतितोला ४ हजार ७ सय ६५ रुपैयाँ थियो ।
