काठमाडौं । नेपाली कांग्रेसले केन्द्रीय कार्यसमितिको बैठक असोज १ गते बिहीबार बोलाएको छ। पार्टीको आन्तरिक गतिविधि तथा समसामयिक विषयमा छलफल गर्न बैठक बस्न लागेको हो।
कांग्रेसका कार्यवाहक मुख्य सचिव कृष्णप्रसाद दुलालले बुधबार जारी गरेको सूचनाअनुसार बैठक दिउँसो २ बजे ललितपुरस्थित पार्टीको केन्द्रीय कार्यालय, बीपी स्मृति भवन, बीपी नगरमा बस्नेछ।
बैठकमा केन्द्रीय कार्यसमितिका पदाधिकारी तथा सदस्यहरूको सहभागिता अनिवार्य गरिएको छ। पार्टीले सबै पदाधिकारी र सदस्यलाई तोकिएको समयमा उपस्थित हुन आग्रह गरेको छ।
केन्द्रीय समिति बैठकमा पार्टीका आगामी गतिविधि, संगठनात्मक विषय तथा समसामयिक राजनीतिक परिस्थितिबारे छलफल हुने अपेक्षा गरिएको छ।
