काठमाडौं । नेपाली बजारमा सुनको मूल्य पुनः तीन लाख रुपैयाँभन्दा तल आएको छ। नेपाल सुनचाँदी व्यवसायी महासंघले बिहीबारका लागि सुनको मूल्य प्रतितोला २ लाख ९९ हजार ५ सय रुपैयाँ निर्धारण गरेको छ।
बुधबारको तुलनामा बिहीबार सुनको मूल्य २ हजार ३ सय रुपैयाँले घटेको हो। बुधबार प्रतितोला ३ लाख १ हजार ८ सय रुपैयाँमा कारोबार भएको सुन आज घटेर ३ लाखभन्दा तल झरेको हो।
सुनसँगै चाँदीको मूल्यमा पनि गिरावट आएको छ। महासंघका अनुसार चाँदीको भाउ आज प्रतितोला ४ हजार ६ सय २५ रुपैयाँ कायम भएको छ।
बुधबार चाँदी प्रतितोला ४ हजार ६ सय ८५ रुपैयाँमा कारोबार भएको थियो। यस आधारमा आज चाँदीको मूल्य ६० रुपैयाँले घटेको हो।
पछिल्लो मूल्यअनुसार एकैदिन सुन र चाँदी दुवैको भाउ घटेको छ।
