काठमाडौं । लगातारको वर्षासँगै आएको पहिरोका कारण हेटौँडा–काठमाडौं जोड्ने कान्ति लोकपथ पूर्ण रूपमा अवरुद्ध भएको छ ।
ललितपुरको बागमती गाउँपालिका–३ भट्टेडाँडा क्षेत्रमा पहिरो खसेपछि सडकमा सवारी आवागमन ठप्प भएको प्रहरीले जनाएको छ ।
पहिरोका कारण सडक अवरुद्ध भएपछि यात्रु तथा सवारीसाधन प्रभावित भएका छन् । सडक खुलाउन पहिरो पन्छाउने प्रयास भइरहेको जनाइएको छ ।
हाल वर्षा जारी रहेकाले पहिरो तथा सडक अवरोधको जोखिम कायमै रहेको प्रहरीले जनाएको छ।
