रुपन्देही । रुपन्देहीको देवदह नगरपालिका–५ स्थित मितेरी गाउँमा पेस्तोल चलाउने क्रममा गोली लागेर एक युवक घाइते भएका छन् ।
प्रहरीका अनुसार घटनामा बुटवल उपमहानगरपालिका–९ मिलनचोकका २२ वर्षीय रायन खत्री क्षेत्री घाइते भएका हुन् ।
उनको दाहिने गालामा चोट लागेको र हाल देवदह मेडिकल कलेजमा उपचार भइरहेको छ । उनको अवस्था सामान्य रहेको जनाइएको छ ।
घटनापछि प्रहरीले देवदह–५ का ४२ वर्षीय दुर्गा प्रसाद खरेल, ३८ वर्षीय कमल शर्मा र १८ वर्षीय अमृत खरेललाई नियन्त्रणमा लिएको छ ।
घटनास्थलबाट म्यागजिनसहितको माउजर पेस्तोल र दुई राउन्ड गोली बरामद गरिएको प्रहरीले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय रुपन्देहीले जनाएको छ ।
