काठमाडौँ । रोजगारीका सिलसिलामा दक्षिण कोरियामा रहेका भोजपुरका २९ वर्षीय मिकाक राईको सुतेकै अवस्थामा निधन भएको छ ।
भोजपुरको हतुवागढी गाउँपालिका–५ स्थायी घर भएका राई E-9 भिसामार्फत करिब ४ वर्ष १० महिनादेखि दक्षिण कोरियाको मोक्पो क्षेत्रमा कार्यरत रहेको बताइएको छ ।
उनी आज बिहान सुतेकै अवस्थामा मृत भेटिएको जनाइएको छ । निधनको कारण भने मेडिकल रिपोर्ट आएपछि मात्रै यकिन हुने बताइएको छ ।
राईको पार्थिव शरीर नेपाल ल्याउन नेपाली राजदूतावास तथा सम्बन्धित निकायसँग आवश्यक समन्वय भइरहेको जनाइएको छ ।
दक्षिण कोरियामा नेपाली श्रमिकको निधनको खबरले नेपाली समुदायलाई दुःखी बनाएको छ ।
