काठमाडौँ। नेपाली बजारमा आज सुनको मूल्यमा गिरावट आएको छ। नेपाल सुनचाँदी व्यवसायी महासङ्घका अनुसार आज सुन तोलामा १ हजार ६०० रुपैयाँले घट्दै प्रतितोला २ लाख ८७ हजार १०० रुपैयाँमा कारोबार भइरहेको छ।
यसअघि सोमबार सुनको भाउ १ हजार ४०० रुपैयाँले बढेर प्रतितोला २ लाख ८८ हजार ७०० रुपैयाँ पुगेको थियो। त्यसअघिको दिन भने सुनको मूल्य २ लाख ८७ हजार ३०० रुपैयाँमा रहेको थियो।
त्यस्तै, चाँदीको मूल्य पनि घटेको छ। आज चाँदी तोलामा १४० रुपैयाँले घट्दै ४ हजार ५९० रुपैयाँमा झरेको महासङ्घले जनाएको छ। सोमबार चाँदी ४ हजार ७३० रुपैयाँ प्रतितोलामा कारोबार भएको थियो।
बजारमा पछिल्ला दिनहरूमा सुन–चाँदीको मूल्य निरन्तर उतारचढाव भइरहेको देखिएको छ।
