तेहरान (एजेन्सी) | इरानका सर्वोच्च नेता आयतोल्लाह अली खामेनीको अन्त्येष्टि प्रक्रिया आज राजधानी तेहरानमा भव्यताका साथ सुरु भएको छ। राजधानीमा दुई दिनसम्म चलेको सार्वजनिक श्रद्धाञ्जली र बिदाइ कार्यक्रम पश्चात् आज उनको शवयात्रा निकालिएको हो।
अन्तर्राष्ट्रिय सञ्चार माध्यमहरूका अनुसार, तेहरानका प्रमुख सडकहरूमा लाखौँको संख्यामा मानिसहरू ओर्लिएका छन्। “जनसागर” जस्तै देखिने उक्त भीडले आफ्ना दिवंगत नेताको सम्मानमा शोक मनाइरहेका छन्। कालो पहिरनमा सजिएका सहभागीहरूले खामेनीको तस्बिर र इरानी झण्डा बोकेका छन् भने धेरैजसोले भावुक हुँदै धार्मिक नाराहरू लगाइरहेका छन्।
राजकीय सम्मानका साथ निकालिएको यो शवयात्राका लागि तेहरानको सुरक्षा व्यवस्था अत्यन्तै कडा पारिएको छ।
