काठमाडौं । भारतीय स्थल सेनाका प्रमुख जनरल धीरज सेठ आजदेखि चारदिने औपचारिक नेपाल भ्रमणमा आउने भएका छन्। भारतीय सेना प्रमुखको जिम्मेवारी सम्हालेपछि सेठको यो पहिलो नेपाल भ्रमण हो।
नेपाली सेनाका प्रधानसेनापति महारथी अशोक सिग्देलको औपचारिक निमन्त्रणामा जनरल सेठ नेपाल आउन लागेका हुन्। भ्रमणका क्रममा उनलाई नेपाली सेनाको मानार्थ महारथीको दर्ज्यानी चिह्न प्रदान गर्ने कार्यक्रम तय गरिएको छ।
सेठले गत जुन ३० मा भारतीय स्थल सेनाको प्रमुखको जिम्मेवारी सम्हालेका थिए। नेपाल भ्रमणका क्रममा उनले नेपाली सेनाका उच्च अधिकारीहरूसँग भेटवार्ता गर्ने तथा दुई देशका सेनाबीच रहँदै आएको पारस्परिक सम्बन्ध र सहकार्यका विषयमा छलफल गर्ने अपेक्षा गरिएको छ।
नेपाल र भारतका सेनाबीच लामो समयदेखि कायम रहेको परम्परागत सैन्य सम्बन्धअन्तर्गत एकअर्काका सेना प्रमुखलाई मानार्थ महारथीको दर्जा प्रदान गर्ने अभ्यास रहँदै आएको छ। यही परम्पराअनुसार भारतीय सेना प्रमुख सेठलाई पनि नेपाली सेनाको मानार्थ महारथीको सम्मान प्रदान गर्न लागिएको हो।
चारदिने भ्रमण पूरा गरी उनी आगामी कार्यक्रमअनुसार स्वदेश फर्किनेछन्।
