काठमाडौं । श्रम संस्कृति पार्टीका अध्यक्ष तथा सांसद साम्पाङ आफू देशको प्रधानमन्त्री बन्ने बताएका छन् ।
एक सार्वजनिक अभिव्यक्तिमा साम्पाङले भने, म यो देशको प्रधानमन्त्री बन्छु। केही समय पछाडि हेर्नुहोस्, हर्क साम्पाङ हुनेछ ।
उनले देशको नेतृत्व गर्न आवश्यक परे प्रधानमन्त्रीको जिम्मेवारी लिनुपर्ने धारणा राखे ।
देश सञ्चालनका लागि आवश्यक निर्णय गर्ने अधिकार नेतृत्वको हातमा हुनुपर्ने उनको भनाइ थियो ।
साम्पाङले प्रधानमन्त्री बन्न विदेशीको दबाब वा स्वार्थअनुसार चल्न आफू तयार नरहेको पनि स्पष्ट पारे ।
उनी भन्छन् विदेशीको दलाली नै गर्नुपर्ने, विदेशीको पाउमा साष्टाङ्ग दण्डवत् गर्नुपर्ने हो भने म त्यो गर्नेवाला छैन ।
साम्पाङले राष्ट्रिय स्वाधीनता र देशको उन्नतिलाई आफ्नो राजनीतिक प्राथमिकता रहेको दाबी गरेका छन् ।
