काठमाडौं । पछिल्लो २४ घण्टामा पाल्पाको अर्चलेमा देशकै सबैभन्दा धेरै वर्षा भएको छ ।
नेपाल मौसम पूर्वानुमान महाशाखाका अनुसार शुक्रबार दिउँसो १ः१५ बजेसम्म अर्चलेमा २०५.२ मिलिमिटर वर्षा मापन गरिएको हो ।
महाशाखाका अनुसार पछिल्लो २४ घण्टामा देशका अधिकांश स्थानमा वर्षा भएको छ । केही स्थानमा भारी वर्षासमेत भइरहेको जनाइएको छ ।
महाशाखाले वर्षाका कारण नदी तथा खोलानालामा पानीको बहाव बढ्न सक्ने भएकाले आवश्यक सतर्कता अपनाउन आग्रह गरेको छ ।
पछिल्लो २४ घण्टामा विभिन्न स्थानमा मापन भएको वर्षाको विवरणसमेत महाशाखाले सार्वजनिक गरेको छ ।
