काठमाडौं । मनाङको नार–फू क्षेत्रमा पर्ने ७ हजार १२६ मिटर अग्लो हिमलुङ हिमालमा आइतबार बिहान हिमपहिरो जाँदा १० जना सम्पर्कविहीन भएका छन् ।
एक्सपिडिसन अपरेटर्स एसोसिएसन नेपालका अनुसार हिमपहिरोमा परी हिमालयन होलिडेज नेपालका ८ जना र इम्याजिन नेपालका २ जना सम्पर्कविहीन भएका हुन् । उनीहरू सबै नेपाली रहेको जनाइएको छ ।
घटनापछि खोज तथा उद्धारका लागि पर्वतारोही गाइडसहितको टोली परिचालन गरिएको छ । मौसम प्रतिकूल भएका कारण उद्धारमा कठिनाइ भइरहेको जनाइएको छ।
पर्यटन विभागले पनि घटनाबारे जानकारी संकलन गर्दै उद्धार प्रयास समन्वय गरिरहेको जनाएको छ ।
