काठमाडौं । ह्यारी केनको ह्याट्रिक मद्दतमा बायर्न म्युनिखले जर्मन बुण्डेसलिगामा होफेनहेइमलाई ४-१ ले पराजित गर्दे शतप्रतिशत जित यात्रालाई कायम राखेको छ ।
होफेनहेइमको मैदानमा भएको खेलमा केनले पहिलो हाफको ४४औं मिनेटमा गोल गर्दै बायर्नलाई अग्रता दिलाएका थिए । उनले ४८औं र ७७औं मिनेटमा पेनाल्टीबाट गोल गरी ह्याट्रिक पूरा गरे ।
यस सिजन केनको यो दोस्रो ह्याट्रिक हो । यस्तै सर्ज जीनाब्रीले इन्जुरी टाइमको नवौँ मिनेटमा बायर्नका लागि चौथो गोल गरे ।
होपेनहेइमका लागि भ्लादिमीर काउफलले ८०औं मिनेटमा एक गोल फर्काए ।
