काठमाडौं । नागढुंगा सुरुङमार्गभित्र सवारीसाधन ओभरटेक गर्ने दुई माइक्रोबसलाई काठमाडौं उपत्यका ट्राफिक प्रहरी कार्यालयले कारबाही गरेको छ ।
सोमबार सुरुङमार्गभित्र ओभरटेक गरी सवारी चलाएको भन्दै बा.प्र.०१–००६ ख ८८८० र बा.प्र.०१–००७ ख १७९४ नम्बरका माइक्रोबसलाई कारबाही गरिएको हो ।
ट्राफिक प्रहरीका अनुसार सुरुङमार्गभित्र ओभरटेक गर्दा दुर्घटनाको जोखिम बढ्ने भएकाले चालकले ट्राफिक नियमको पूर्ण पालना गर्न आवश्यक छ ।
कारबाहीमा परेका चालक बलराम सिवाकोटी र बालकृष्ण श्रेष्ठलाई जनही ५०० रुपैयाँ जरिवाना गरिएको प्रहरीले जनाएको छ
प्रहरीले सुरुङमार्गमा निर्धारित गति, लेन अनुशासनलगायत ट्राफिक नियम पालना गरी सुरक्षित यात्रा गर्न सबै सवारी चालकलाई आग्रह गरेको छ। साथै, सुरुङमार्गभित्र जथाभावी ओभरटेक नगर्न र सम्भावित दुर्घटनाबाट बच्न सचेत गराएको छ ।
