काठमाडौं । नेपाली क्रिकेट टोलीका बायाँहाते स्पिनर ललित राजवंशीले आईसीसी टी–२० आई बलिङ वरीयतामा उल्लेख्य सुधार गरेका छन् ।
आईसीसीले सार्वजनिक गरेको नयाँ वरीयताअनुसार ललित ३८ स्थान माथि उक्लिँदै ८०औँ स्थानमा पुगेका छन् । उनको रेटिङ अंक ४६८ रहेको छ ।
जापानमा भएको एसियन गेम्समा नेपालले दुई खेल खेले पनि एक खेलमा मात्रै बलिङ गरेको थियो । अफगानिस्तानविरुद्धको खेलमा ललितले उत्कृष्ट प्रदर्शन गर्दै ४ ओभरमा १३ रन खर्चिएर ३ विकेट लिएका थिए । यही प्रदर्शनपछि उनको वरीयतामा सुधार आएको हो ।
उनको पछिल्लो खेल तथ्यांकमा पनि अफगानिस्तानविरुद्ध ३–१३ को प्रदर्शन देखिन्छ । यस्तै, टी–२० आई बलिङ वरीयतामा सन्दीप लामिछाने दुई स्थान सुधार गर्दै ४७औँ तथा दीपेन्द्रसिंह ऐरी एक स्थान माथि उक्लिँदै ५९औँ स्थानमा पुगेका छन् ।
टी–२० आई अलराउन्डरतर्फ भने दीपेन्द्रसिंह ऐरी चौथो स्थानमै यथावत् छन् ।
