काठमाडौँ । नेपाली कांग्रेसका युवा नेता प्रदीप पौडेलले पार्टीको १५औँ महाधिवेशनमा पुनः महामन्त्री पदका लागि उम्मेदवारी दर्ता गराउनुभएको छ ।
मंगलबार राजधानीको राष्ट्रिय सभागृहमा पुगेर उहाँले खुला समूहअन्तर्गत महामन्त्री पदका लागि आफ्नो मनोनयन दर्ता गराउनुभएको हो ।
यसअघि विशेष महाधिवेशनबाट समेत महामन्त्री पदमा निर्वाचित भई कार्यभार सम्हालि सक्नुभएका नेता पौडेलले पार्टीको आन्तरिक सुदृढीकरण र रूपान्तरणका लागि आफ्नो दाबेदारीलाई निरन्तरता दिनुभएको हो ।
कांग्रेसको संशोधित विधानअनुसार खुला र समावेशी गरी महामन्त्री पदका लागि तीव्र प्रतिस्पर्धा भइरहेका बेला पौडेलको यो मनोनयन दर्तालाई अर्थपूर्ण रूपमा हेरिएको छ ।
