काठमाडौं । जिल्ला अदालत काठमाडौंले मेडिकल व्यवसायी तथा अभियन्ता दुर्गा प्रसाईंलाई दुई लाख रुपैयाँ धरौटीमा रिहा गर्न आदेश दिएको छ ।
जिल्ला न्यायाधीश उमेशप्रसाद लुइँटेलको इजलासले मंगलबार प्रसाईंलाई दुई लाख रुपैयाँ धरौटी लिएर तारेखमा छाड्न आदेश दिएको हो ।
विद्युतीय कारोबारसम्बन्धी कसुरमा मुद्दा चलाइएका प्रसाईंलाई राष्ट्रिय स्वतन्त्र पार्टीकी सांसद रचना खतिवडाले दिएको उजुरीका आधारमा पक्राउ गरिएको थियो ।
उनीविरुद्ध विद्युतीय कारोबार ऐन, २०६३ अनुसार अभियोग दर्ता भएको थियो ।
