काठमाडौं । वरिष्ठ पत्रकार Kishor Shrestha माथि प्रहरीद्वारा निगरानी राखिएको र ध’रपक’डको प्रयास भएको तथा विभिन्न व्यक्तिबाट धम्कीसमेत आएको भन्दै नेपाल पत्रकार महासंघले ध्यानाकर्षण जनाएको छ।
महासंघका अनुसार समाचारसँग सम्बन्धित विषयलाई लिएर पत्रकार श्रेष्ठमाथि दबाब, निगरानी र सम्भावित पक्राउको प्रयास भएको गुनासो आएको हो। यस विषयमा महासंघले गम्भीर चासो व्यक्त गर्दै पत्रकारको सुरक्षाको सुनिश्चितता गर्न सरकारसँग आग्रह गरेको छ।
महासंघले प्रेस स्वतन्त्रता र अभिव्यक्ति स्वतन्त्रता लोकतान्त्रिक मूल्यको आधार भएकाले पत्रकारमाथि कुनै पनि प्रकारको धम्की वा दबाब स्वीकार्य नहुने स्पष्ट पारेको छ। साथै, सम्बन्धित निकायलाई छानबिन गरी आवश्यक कारबाही गर्न पनि माग गरिएको छ।
