काठमाडौं । रसुवा भोटेकोशी क्षेत्रमा आएको भीषण बाढीबाट ज्यान गुमाउनेको संख्या २२० पुगेको छ । नेपाल प्रहरीले विभिन्न जिल्लाबाट संकलन गरेको विवरणअनुसार मृतकको संख्या थपिएको हो ।
प्रहरीका अनुसार सबैभन्दा बढी शव चितवनमा भेटिएका छन् । चितवनमा मात्रै १०८ जनाको शव फेला परेको छ ।
त्यस्तै, पूर्वनवलपरासीमा ३२, धादिङमा २७, गोरखामा २०, तनहुँमा १३ र नुवाकोटमा १२ जनाको शव भेटिएको प्रहरीले जनाएको छ । रसुवामा २ तथा पश्चिम नवलपरासीमा ६ जनाको शव फेला परेको विवरणमा उल्लेख छ ।
बाढीपहिरो प्रभावित क्षेत्रमा उद्धार कार्यलाई निरन्तरता दिइएको छ । हालसम्म विभिन्न स्थानबाट ३६१ जना घाइतेको उद्धार गरिएको नेपाल प्रहरीले जनाएको छ ।
प्रभावित क्षेत्रमा खोज तथा उद्धारको काम जारी रहेकाले मृतक र घाइतेको विवरण अझै बढ्न सक्ने प्रहरीले जनाएको छ । उद्धार टोलीले जोखिमपूर्ण क्षेत्रमा समेत खोजी कार्यलाई तीव्रता दिएको छ ।
