काठमाडौं । नेपाली कांग्रेसका सभापति गगन थापा र नेता डा. शेखर कोइरालाबीच आज भेटवार्ता भएको छ ।
भेटका क्रममा कांग्रेसभित्र देखिएका आन्तरिक समस्या तथा पार्टीलाई थप एकताबद्ध बनाएर अघि बढ्ने विषयमा छलफल भएको बताइएको छ ।
नेता डा. कोइरालाले मुलुक, लोकतन्त्र र राष्ट्रियता चुनौतीपूर्ण अवस्थामा रहेकाले कांग्रेस विभाजित भएर अघि बढ्न नहुने धारणा राखेका थिए । पार्टीलाई एकताबद्ध बनाउन आवश्यक परे आफ्नो तर्फबाट जुनसुकै त्याग गर्न पनि तयार रहेको उनले बताएका थिए ।
त्यसक्रममा सभापति थापाले पनि आफू पार्टी एकताको पक्षमा रहेको स्पष्ट पारेका थिए ।
भेटवार्तामा रसुवामा चीनसँगको सीमा क्षेत्रमा आएको विनाशकारी बाढीपछि उत्पन्न परिस्थितिबारे समेत छलफल भएको थियो । विशेषगरी रसुवा, नुवाकोट र धादिङमा बाढीपछि देखिएको पछिल्लो अवस्था तथा प्रभावित क्षेत्रको अवस्थाका विषयमा दुई नेताबीच कुराकानी भएको जनाइएको छ ।
