काठमाडौं । दक्षिण अफ्रिकाका युवा फुटबलर तथा राष्ट्रिय टोलीका मिडफिल्डर जाडेन एडम्सको २५ वर्षको उमेरमा निधन भएको छ। हालै सम्पन्न विश्वकपमा दक्षिण अफ्रिकाको प्रतिनिधित्व गरेका उनी स्वदेश फर्किएको केही दिनमै असामयिक रूपमा बितेका हुन्।
एडम्सको निधनको खबर सार्वजनिक भएपछि दक्षिण अफ्रिकाको फुटबल समुदाय शोकमा डुबेको छ। विश्वकपमा उनले टोलीका लागि मिडफिल्डबाट महत्त्वपूर्ण भूमिका निर्वाह गरेका थिए।
उनको निधनको कारणबारे विस्तृत जानकारी भने सार्वजनिक गरिएको छैन। सम्बन्धित निकाय र परिवारबाट आधिकारिक विवरण आउने प्रतीक्षा भइरहेको छ।
युवा उमेरमै राष्ट्रिय टोलीका प्रतिभाशाली खेलाडी गुमाउँदा दक्षिण अफ्रिकी फुटबल क्षेत्रले ठूलो क्षति बेहोरेको प्रतिक्रिया खेलप्रेमीहरूले व्यक्त गरेका छन्।
