काठमाडौं । नेपाली बजारमा साताको पहिलो कारोबार दिन सुन र चाँदीको मूल्य उकालो लागेको छ। आइतबार सुन प्रतितोला १ हजार २०० रुपैयाँले महँगिएको छ भने चाँदीको भाउ पनि ६० रुपैयाँले बढेको छ।
नेपाल सुन–चाँदी व्यवसायी महासंघका अनुसार आज सुन प्रतितोला ३ लाख २ हजार २०० रुपैयाँमा कारोबार भइरहेको छ। गत शुक्रबार बजार बन्द हुँदा प्रतितोला सुन ३ लाख १ हजार रुपैयाँमा किनबेच भएको थियो।
सुनको मूल्यमा आएको वृद्धिसँगै चाँदीको भाउ पनि बढेको छ। महासंघका अनुसार चाँदी प्रतितोला ६० रुपैयाँले वृद्धि भएर आज ४ हजार ६६० रुपैयाँ पुगेको छ।
यसअघि शुक्रबार चाँदीको मूल्य प्रतितोला ४ हजार ६०० रुपैयाँ थियो।
यससँगै नयाँ साताको सुरुवातमै बहुमूल्य धातु सुन र चाँदी दुवैको मूल्य बढेको छ।
