काठमाडौं । टेलिभिजन रियालिटी शो नेपाल आइडलको छैटौँ संस्करणको फाइलमा पुगेकी सिन्धुकी चेली गङ्गा सोनामलाई जिताउन समाजसेवी तथा व्यवसायी भरत पराजुलीले सार्वजनिक आह्वान गर्नु भएको छ ।
आफ्नै कार्यालयमा आमन्त्रण गरेर पराजुलीले गङ्गालाई जितको शुभकामना दिनुभएको हो ।
ब्रह्मायणी जलविद्युत आयोजनाको कार्यालयमा पराजुलीले बिजयी हुनको लागि शुभकामना दिँदै आवश्यक जुनसुकै सहयोग गर्न तयार रहेको बताउनु भयो ।
फाइनल प्रवेश गरेकी सिन्धुपाल्चोककी चेली गङ्गालाई भोट गरेर जिताउन सिन्धुपाल्चोकका राजनीति दल सामाजिक व्यक्तित्व तथा सर्वसाधारणले सार्वजनिक आह्वान गरेका छन् ।
सहयोग स्वरुप पराजुलीले ५ हजार १ सय भोट र कार्यालयका अन्य सहकर्मीहरूको तर्फबाट १ हजार ४ सय १० भोट गरी जम्मा ६ हजार ५ सय १० भोट सहित शुभकामना व्यक्त गरिएको थियो ।
